Низа на познати холивудски ѕвезди беа принудени да се евакуираат од своите луксузни домови во областа Пацифик Палисадес, во Лос Анџелес која е зафатена од шумски пожар.
Том Хенкс, Џенифер Лопез, Рита Вилсон, Рис Витерсун, Адам Сендлер, Џејмс Вудс и Мајкл Китон се само мал дел од познатите кои беа принудени да се евакуираат пред огнената стихија.
Реалити парот, Спенсер Прат и Хајди Монтаг, потврди дека нивниот дом e уништен од пожарот и дека за среќа никој не е повреден.
Брзо растечкиот шумски пожар во Пацифик Палисадес изгоре над 1.200 хектари, принудувајќи илјадници да се евакуираат.
Пожарот, кој започна во вторникот наутро, уништи повеќе објекти и е предизвикан од силни ветрови и суви услови. Пожарникарите неуморно работат на локализирање на пламените јазици среде, како што Националната метеоролошка служба го нарече еден од најтешките ветрови од 2011 година.