Една од презентерките на синоќешното доделува на европските музичка награди (MTV EMA), актерката Хајден Панетиере, остана без текст и се зарумени кога на сцената доби неочекувано друштво додека се подготвувала да објави кој ја освоил наградата за најдобра песна.
Голиот маж застана крај неа, а Хајден збунето праша за што се работи. Тој ја пофали нејзината глума во серијата „Heroes“ и и кажа дека е нејзин голем обожавател.
Притоа тие се договорија да се видат на забавата по доделувањето на наградите, по што мажот се симна од сцената.
Хајден потоа објави дека најдобра песна е Born This Way на Lady Gaga.
Иако првобитно се мислеше дека станува збор за некој обожавател, кој одлучил да го „украде шоуто“ медиумите брзо го идентификуваа голиот маж. Станува збор за ирскиот актер Дејвид Минагхан, а целата сцена била претходно испланирана.