Кога си славен и богат можеш да носиш сè што ќе посакаш без разлика на тоа колку ќе те чини. И додека обичните луѓе најчесто носат долна облека од типот на 3 за 100, српскиот тенисер, Новак Ѓоковиќ, сосема разбирливо има повисоки критериуми.
Еден пар гаќи кои ги носи познатиот спортист чинат од 25 до 58 евра и се од брендот „Bjorn Borg” кој го носи името на легендарниот шведски тенисер и некогашен прв рекет во светот.
Борг неодамна изјави дека му се восхитува на Новак и дека тој е новиот крал на белиот спорт, па можеби токму затоа Ноле реши да носи долна облека со неговото име.
И додека Ѓоковиќ срамежливо ги крие гаќите, неговите колеги спортисти на големо се сликаат во долна облека за Армани, Келвин Клајн и Долче и Габана. Кој знае можеби Ноле наскоро ќе се предомисли, па ќе го видиме како рекламира некој бренд на долна облека.