Откако победи во последната епизода на „Tvoje lice zvuci poznato“, приватниот живот на Елена Ристеска стана мошне интересен за балканските медиуми.
Последната вест пристигнува од Blic кој пишува дека Ристеска го крие својот брак додека е во Белград, а тоа го потврдуваат и извори од продукцијата.
-Нејзиниот брак е чуден. Воопшто не го споменува сопругот, како да не постои. Во Белград живее сама во близина на Кошутњак, во стан кој го плаќа продукцијата на шоуто и многу ретко оди во Скопје. Кога ја прашуваме за сопругот, вешто избегнува да зборува за него, открива соработник од шоуто.
Додека се крева прашина околу тоа што се случува во приватниот живот на Елена, пејачката кратко и јасно одговора:
-Не зборувам за приватниот живот. Мојот сопруг живее во Скопје и е многу зафатен. Има приватен бизнис. Ќе дојде во Белград за да ме бодри во финалето.