Неда Украден има сериозен проблем кога станува збор за популарното шоу „Tvoje Lice Zvuci Poznato“. Според српските медиуми, пејачката повторно направила скандал, овој пат поради имитацијата на Лучијано Павароти која и се паднала во полуфиналната емисија.
Се верува дека Украден започнала да вика по организаторите на шоуто откако дознала дека пак ќе се најде во улога на маж. Досега Неда беше пресреќна кога требаше да имитира жени како Калиопи, Тина Тарнер и Бијонсе, но не сака да слушне да се најде во улога на маж.
-Неда го извлече Лучијано Павароти за полуфиналната емисија. Тој момент започна да вика, запраша дали намерно и даваат машки улоги и на тој начин ја саботираат. Рече дека повеќе не сака да биде во улога на маж и дека и е преку глава да ги глуми колегите, открива интерен извор.
- Не сакам да бидам Шабан, Павароти, сакам да бидам да речеме Мадона!, наводно врескала Украден.
Ова не е прв пат пејачката да се заканува дека ќе го напушти шоуто поради улогите кои што ги добива.
Претходно беше револтирана поради тоа што два пати по ред се најде во машка улога, но страстите се смирија откако и се паднаа имитациите на Тарнер и Калиопи.