Проблемите на Барселона со Светската фудбалска федерација (ФИФА) како да немаат крај. Од ФИФА најавија дека е започната истрага за статусот на уште 11 младинци во каталонскиот гигант. На „Ноу Камп“ стигнал допис дека имаат 90 дена рок во кој ќе треба да го објаснат статусот на младите играчи во клубот.
Од ФИФА имаат сомнеж дека Барселона повторно работи против правилата на ФИФА кога се работи за доведување млади странски играчи. Барселона беше казнета со 12 месеци забрана за купување на играчи поради тоа што не работеле според правилата на ФИФА. Клубот не смее да регистрира нов играч до 1 јануари 2016 година.
Доколку се констарира дека Барселона повторно работела незаконски, многу веројатно е дека казната може да биде уште поригорозна и да не може да направи трансфери уште долг период.