Капитенот на Барселона, Лионел Меси му искажа поддршка на екс-играчот и тренер на аргентинската репрезентација Диего Марадона.
Легендарниот Марадона ноќеска беше опериран за отстранување на хематом од главата.
-Диего, сите сили на светот се со тебе. Моето семејство и јас сакаме да бидеш подобро што е можно побрзо. Те гушкам од срце, напиша Меси на Инстаграм.
За време на операцијата на 60-годишниот Марадона, голем број негови приврзаници се собраа пред болницата во Буенос Аирес и му искажуваа поддршка.
Своевремено Марадона беше најдобар играч на светот, а според многумина, тој е и најдобар во историјата на фудбалот.