Тренерот на Нотингем Форест, Нуно Еспирито Санто, е отпуштен, објави официјалната веб-страница на англискиот клуб.
- Нотингем Форест може да потврди дека поради неодамнешните околности, тренерот Нуно Еспирито Санто е разрешен од должноста. Клубот сака да му се заблагодари на Нуно за неговиот придонес во многу успешниот период, особено неговата улога во сезоната 2024/25, која засекогаш ќе се памети со убави спомени, се вели во соопштението на клубот.
Во јуни, Нотингем го продолжи договорот со Нуно до летото 2028 година. Педесет и едногодишниот Португалец е во клубот од 2023 година.
По три кола, Нотингем е на 10. место на табелата во Премиер лигата, со четири бода.