Македонскиот фудбалски бренд Вардар и официјално доби ново раководство. Српскиот бизнисмен Мишо Поповиќ со неговата фирма "Планет М", и дефинитивно го презедоа раководењето со нашиот најтрофеен македонски клуб, Вардар, а на првиот тренинг на "црвено црните" во пресрет на новата сезона беше претставен и новиот претседател Бојан Захариев, ко-сопственик на менаџерската агенција "Кик-Оф" со седиште во Скопје. Вардар од денеска ќе биде под 100 процентно раководење и контрола на работењето на клубот од страна на новото раководство.
Прва одлука која ја донесе новото раководството на ФК Вардар, во насока на враќање на шампионскиот сјај на нашиот најтрофеен клуб е смената на тренерската позиција. Сеуште е нејасно кој ќе биде новиот тренер, но пак се знае дека тоа повеќе нема да биде досегашниот прв стратег Милко Ѓуровски. Неофицијално дознаваме дека најверојатно наследник на Ѓуровски ќе биде српски стратег.
Според најавите новото раководство ќе има голема промоција во месец февруари кога на "Градски" се очекува да гостува Наполи, една од најсилните екипи во Серија А лигата, а точниот датум дополнително ќе биде одреден.
Според плановите, Вардарци на 4 или 5 февруари ќе заминат на подготовки, или на Кипар или во Анталија, Турција.