За првпат во својата историја најдобриот национален тим на еден квалификациски натпревар ќе биде без селектор на клупата. По исклучувањето заработено на дуелот во Братислава, Мирсад Јонуз нема да може да го предводи репрезентативниот состав на теренот на утрешниот натпревар против Ерменците на "Филип Втори", со оглед на суспензијата која го очекува од УЕФА...
Сосема непотребно Јонуз заработи исклучување по влезот на теренот и протестите кон главниот судија на дуелот со Словаците во моментите на неоправданиот, пак, црвен картон за Ванче Шиков. И покрај можеби оправданиот револт заради судиската лакрдија, македонскиот селектор смешно неодговорно во моменти на пет минути до крај на средбата, во моментите на наши поволни 0:0, во моменти кога единствено беше потребно смирување на топката, кое секако се очекува од клупата наспроти подгревање на тензијата меѓу момците во жолто... дозволи нервозата да не "облее".
Јонуз до крајот на неделата сега ќе ја очекува казната од УЕФА колку натпревари ќе биде отстранет од официјални средби, плус со можност за дополнување со парична казна. На утрешниот натпревар со Ерменија клупата ќе ја предводи неговиот асистент, Влатко Костов.