Бразилецот не остави траг во Торино, но најројните навивачи во Италија ќе му бидат благодарни биејќи откри дека неговиот клупски колега ќе се пресели меѓу "бјанконерите".
Јувентус по се изгледа ја заврши поголемата работа за летниот преоден рок. Пред неколку недели кога медиумите објавија дека се е завршено, пристигна демант од Волфсбург, но малку кого убедија.
Един Џеко следната година ќе го предводи нападот на Јувентус. По се изгледа оваа сезона, менаџерот Марота направи потег на деценијата со доведувањето на Милош Красиќ, а вториот Балканец го зачува за следното лето.
"Џеко е еден од најдобрите напаѓачи во светот, би сакал подолго да играме заедно, но тој следното лето заминува во Јувентус. Јас таму поминав само една година, а него му посакувам многу среќа. Тоа е голем клуб, имаат одлични навивачи кој секогаш ме подржуваа" изјави Бразилецот кој за 25 милиони евра не покажа ништо во Италија и по само една сезона се врати во германската Бундес лига.