Челниците на Барселона повторно ја отворија дебатата околу спонзорско име на дресовите на шпанскиот шампион. Одделот за маркетинг на клубот откри дека загубите на клубот може многу добро да се решат со поставување на натпис или лого на компанија на нивните дресови нешто што е тренд во светот.
Каталонскиот весник Спорт соопшти дека управата ја разгледува оваа опција и смета дека е одличен начин на заработувачка па може наскоро да ја одобри идејата. Извори блиски до клубот го откриваат ценовникот за заинтересираните компаниите.
Натпис и лого на предниот дел од дресот би чинел 25 милиони евра годишно, а на грбот 12 милиони. Третата варијанта е на задниот дел на шорцевите и би чинел од 6 до 12 милиони евра во зависност од големината.
Моментално на дресовите на Барса стои името на УНИЦЕФ, но од таму изјавија дека нема да има проблем доколку Барса одлучи да го смени нивното лого. Како потсетување, името на организацијата е прво во 111 годишната историја на клубот. Во 2006 година потпишаа петгодишен договор според кој Барса донира по 1,5 милиони евра годишно.