Голманот на Интер, Жулио Цезар се наоѓа на Мета на Манчестер Јунајтед. Бразилецот досега не беше споменат како евентуална замена за Едвин Ван дер Сар, но по се изгледа и тој се наоѓа на "радарот" на Сер Алекс Фергусон.
Интер е подготвен да го продаде својот голман кој според многумина е еден од најдобрите на светот. Како негова замена Морати го посакува Емилијо Вивијано од Болоња. Фергусон е активен на пазарот и не сака да ја направи истата грешка кога бараше идеална замена по завршувањето на кариерата на Питер Шмајхел.
Цезар не сака да го напушти Интер, но по се изгледа е свесен дека управата на "нероазурите" го посакува Вивијано. Инаку како наследник на Ван дер Сар кој сигурно се повлекува, се споменуваат Мануел Ноер, Матен Стекеленбург, како и Давид Де Геа од Атлетико Мадрид.