„Бабунски имаат Ел Класико дома“ е насловот на статијата која ја објави шпанскиот весник „Marca“ за двајцата браќа Давид и Доријан Бабунски, синови на селекторот на македонската репрезентација за играчи под 17 години Бобан Баунски.
Неодамна Давид беше фотографиран како тренира со првиот тим на Барселона, а статијата се осврнува на потенцијалите на двајцата браќа кои се дел од двата најголеми тима во Шпанија. Давид е дел од подмладокот на Барселона, а Доријан Бабунски на Реал Мадрид.
– Ривалството помеѓу двајцата се претвори во голема љубов. Ги дискутираат натпреварите, си држат среќа еден на друг. Доријан постојано вели дека Давид е негов пример како да се биде истраен во спортот, објаснува нивниот татко. Според зборовите на Бобан, двајцата имаат ист агент, Естеве Калзада кој одлично си ја врши работата во преговорите за младите таленти.
Весникот го опишува браќата како добри играчи.
-Давид има добра техника, добра визија и добар финален шут. Доријан е посилен и има добар шут. Двајцата се едни од најдобрите млади фудбалери во светот, но се многу различни, пишува Marca во статијата за браќата Бабунски.
Допрва фудбалските федерации на Македонија и Шпанија ќе ја почнат битката за сениорски настапи во една од двете репрезентации.
Да се надеваме дека ќе заиграат за Македонската сениорска репрезентација.