Менаџерот на Манчестер Јунајтед, Сер Алекс Фергусон ќе се пензионира по крајот на тековната сезона во Премиер лигата, беше официјално потврдено денес на официјалната страница на клубот.
Тој ќе го предводи Јунајтед до последниот натпревар од сезоната на 19-ти мај против ВБА, а по пензионирањето ќе биде директор на Манчестер Јунајтед.
-Одлуката која ја донесов не беше воопшто лесна. Дојде вистинското време за тоа. За мене беше важно да го оставам тимот во најсилната можна форма и мислам дека успеав во тоа.“ стоеше во изјавата на Фергусон.
Шкотот во 27-те сезони поминати во Манчестер Јунајтед освои вкупно 38 трофеи со „Црвените ѓаволи“. Дури 13 титули во Премиер лигата, и две од Лигата на шампиони.
Минатата недела Фергусон објави дека дека во јули ќе се подлегне на операција на колкот, и поради тоа требаше да го пропушти стартот на наредната сезона од Премиер лигата.
Како потенцијални заменици на Фергусон на столчето во Манчестер Јунајтед се споменуваат Жозе Мурињо и Дејвид Мојс.
Фергусон оваа сезона го предводеше Манчестер Јунајтед до јубилејната 20-та титула во Премиер лигата.