Министерот за спорт, Борко Ристовски преку социјалните мрежи најави дека на фудбалските клубови Кожуф и Башкими најверојатно ќе им биде одземена дејноста за спорт, што значи дека ќе бидат елиминирани од понатамошни настапи во Втората лига.
Најавата доаѓа по вчерашните случувања, откако фудбалерите на Кожуф намерно им дозволија на противниците да постигнат гол за победа и да останат во трка за директен пласман во Првата лига
– Ќе ги почекаме извештаите на ФФМ и доколку се потврдат сомнежите, на клубовите Кожуф и Башкими по итна постапка ќе им биде одземена дејноста за спорт. Борбата за чист спорт продолжува и Министерството за спорт секогаш ќе биде на вистинската страна, сподели Министерот.