Филипо „Пипо“ Инзаги е назначен за нов тренер на Милан, денес беше објавено и потврдено и на официјалниот сајт на клубот.
40-годишниот Инзаги ќе биде тренер на првиот тим до 30-ти јуни 2016-та година, а ќе го замени екс клубскиот колега Кларенс Сидорф на позицијата главен тренер.
Инзаги беше дел од Милан како играч од 2001-ва до 2012-та година и на 300 натпревари постигна 126 гола за клубот, а по пензионирањето од активното играње беше назначен за тренер на младинската екипа.
Милан ја заврши сезоната 2013-2014 во италијанската Серија А на 8-та позиција на табелата со освоени 57 бода.