Легендата на германскиот фудбал Франц Бекенбауер го искритикува чуварот на мрежата на репрезентацијата Мануел Нојер поради навиката често да истрчува и да ја расчистува опасноста однесувајќи се како одбранбен фудбалер. Според Франц таа ризична игра на Нојер му „помина“ против Алжир, меѓутоа, може скапо да го чини на следниот меч против Франција.
„Точно е дека Нојер спаси неколку ситуации со истрчувањето напред, но тој ризикува да прими гол. Против Алжир на двапати имаше среќа и прв стигнуваше до топката, инаку можеше да биде измамен. Би му препорачал на четвртфиналниот меч против Франција да си седи на голот. Се надевам дека ќе се врати Матс Хумелс, кој ќе ја направи одбраната многу посилна“, изјави Бекенбауер.