Возачот на Мерцедес, Луис Хамилтон извози најбрз круг во квалификациите за трката од шампионатот во Формула 1 за Големата награда на Канада. Со време од 1:12.812 минути Британецот стигна до четвртата пол-позиција оваа сезона.
Неговиот клупски колега Нико Розберг ќе стартува од првиот ред, но на втората позиција.
Вториот ред ќе го сочинуваат Себастијан Фетел од Ферари и Даниел Рикиардо од Ред Бул.
Петтата стартна позиција ќеја има Макс Верстапен од Ред Бул, а веднаш до него ќе биде Кими Раиконен од Ферари.
Возачите на Вилијамс, Валтери Ботас и Фелипе Маса ќе стартуваат од седмото и осмото место, деветтата позиција му припадна на Нико Хулкенберг од Форс Индија, десеттата позиција е за Фернандо Алонсо од Мекларен.
Почетокот на трката во Монтреал е во 20 часот по средноевропско време.