Розберг, кој во саботата ја освои пол-позицијата за само 0.013 секунди пред ривалот Хамилтон, немаше проблеми од првото место на стартот за да победи со речиси 5 секунди предност пред тинејџерот на Ред Бул, Макс Ферстапен.
Холанѓанецот Ферстапен во финишот на трката успеа да го остави Луис Хамилтон зад него за да му помогне на Розберг да го зголеми водството на 33 поени, повеќе од една победа на само четири трки до крајот на сезоната.
Победата донесе трета последователна титула кај конструкторите за „Сребрената стрела“, откако имаше мала драма во финишот - Хамилтон неколку пати се обиде да го помине Ферстапен, кој повторно беше на граница на казна блокирајќи го шампионот, кој мораше да ја пресече шиканата.
Ферари не успеаја да стигнат до подиум со Себастијан Фетел на четвртото место и Кими Раиконен на петтото место, додека Даниел Рикијардо, победникот од Малезиското ГП беше на шестото место. По нив следуваа двајцата возачи на Форс Индија (Серхио Перез и Нико Хулкенберг) и двајцата на Вилијамс (Фелипе Маса и Валтери Ботас). Мекларен-Хонда на својата домашна патека имаа катастрофална трка со Фернандо Алонсо со новиот мотор на 16. место, додека Џенсон Батон беше само 18.