Италијанскиот стратег, Алесандро Чинели, кој има 17-годишно искуство во Ферари, стана нов шеф на аеродинамичниот оддел на Алфа Ромео.
Преселбата на 44-годишниот Чинели во Алфа Ромео е резултат на промени во раководството во двата италијански тима. Чинели ќе го замени Жан Моншо, кој неодамна беше промовиран во технички директор на Алфа Ромео за да го замени Симоне Реста, кој се враќа во „Скудерија“ оваа недела.
Чинели ќе започне со работа во Алфа Ромео на 19 август по 17 години како дел од „црните коњчиња“. Чинели започна да работи во Формула 1 со тимот на Тајрел во 1997 година. Италијанецот потоа помина четири години во Вилијамс и се префрли во Ферари во најуспешните години на тимот од Маранело. Најпрво Чинели беше аеродинамички инженер во тимот за тестирање, а подоцна беше промовиран во тркачкиот тим, пред да стане шеф на аеродинамичкиот оддел во јули 2009 година.
– Алесандро се придружува на силен аеродинамичен тим и едвај чекаме да го видиме продолжението на добрата работа, што ја направивме досега, рече шефот на Алфа Ромео, Фред Васиер