Луис Хамилтон е победник на Формула 1 трката возена за Големата награда на Абу Даби. Британецот на најдобар можен начин го искористи отсуството на светскиот шампион, Себастијан Фетел и стигна до својата втора победа во оваа сезона. Задоволството во Мекларен е уште поголемо ако се знае дека Џејсон Батон трката ја заврши на третото место.
Меѓу двата Мекларена се пласираше возачот на Ферари, Фернандо Алонсо, а на четвртото место заврши Марк Вебер (Ред Бул). Понего следуваа Фелипе Маса (Ферари), па двоецот на Мерцедес, Нико Розберг и Михаел Шумахер. Најмладиот двократен светски шампион за прв пат оваа сезона не успеа да ја заврши трката, бидејќи прво имаше проблеми со гумата, а потоа и со самиот болид. Сезоната во Формула 1 завршува на 27-ми ноември со трката за Големата награда на Бразил на патеката Интерлагос.