Возачот на Ред Бул, себастијан Фетел оствари најбрзо време на првиот тренинг пред главната трка од шампионатот во Формула 1 за Големата награда на Индија.
Со време од 1:26.683 минути, актуелниот светски првак за 0,188 секунди беше побрз од клупскиот колега Марк Вебер. Третото место на денешниот прв тренинг го освои Нико Розберг од Мерцедес, а по него се пласира Роман Грожан кој вози за Лотус.
Главната трка е закажана за недела со почеток во 10 часот и 30 минути по средноевропско време.
Во случај на пласман на едно од првите пет места, Фетел ќе стигне до четвртата последователна шампионска титула.