Поранешниот светски првак во Формула 1 Михаел Шумахер денеска трепнал со очите, откако лекарскиот тим започнал со операцијата на постепено изведување од индуцирана кома во која тој се наоѓа повеќе од еден месец.
Лекарите кои се грижат за состојбата на Германецот изјавиле дека ова е позитивен развој на настаните, но тоа е само почеток кон менување кон подобро.
- Постепено ќе се намалува третманот со седативи со цел да се овозможи почетокот на будењето, процес кој може да трае долго време. Се уште не е јасно дали повредениот ќе биде способен да комуницира, изјавија од болницата во Гренобл за француските медиуми.
Во соопштението објавено во име на семејството на Шумахер, Сабине Кем менаџерот на седумкратниот светски првак повторно бара да бидат почитувана приватноста и медицинска тајна и да не се вознемируваат лекарите при извршување на нивната работа. Истовремено, семејството сака изразува искрена благодарност сите кои му даваат поддршка на прославениот возач во Ф1.
Шумахер е во кома повеќе од еден месец откако доживеа тешка повреда на главата по пад при скијање во француските Алпи.