Михаел Шумахер може да живее „релативно нормален живот“ по падот на скијањето во декември и сериозната повреда на главата, вели претседателот на ФИА и добар пријател на Германецот,Жан Тод, кој му беше шеф на Шуми во Ферари. Шумахер беше преселен дома на 9 септември и покрај извештаите дека легендата ќе остане „инвалид до крајот на животот“, Тод вели дека 45-годишниот Германец ќе живее нормално.
„Можеме да претпоставиме дека Шумахер ќе може да живее релативно нормален живот за кратко време. Со сигурност можеме да кажеме дека нема да вози Формула 1 болид. Тој се бори. Неговата состојба се подобрува, и тоа е најважно“, вели Тод.