Првиот рекет на светот, Новак Ѓоковиќ беше дисквалификуван од US Open, откако несакајќи, со топче, ја удри линиската судијка на мечот против Карено Буста.
По дисквалификацијата од турнирот, тенисерот се огласи на социјалните мрежи, каде напиша дека ќе се потруди целото непријатно искуство да го претвори во важна животна лекција.
-Целава ситуација ме прави навистина тажен и празен. Проверив како се чувствував линискиот судија и според информациите кои што ги добив се чувствува добро, фала му на Бога. Нејзиното име не можам да ви го откријам поради зачувување на нејзината приватност. Многу ми е жал што и нанесов таков стрес. Не беше намерно. Беше погрешно.
Сакам ова непријатно искуство, дисквалификацијата од турнирот, да ги претворам во важна животна лекција, со цел да продолжам да растам и да се развивам како човек, но и како и тенисер.
Им се извинувам на организаторите на US Open. Многу сум му благодарен на својот тим и семејството што ми пружаат силна поддршка, како и на моите навивачи кои секогаш се со мене. Ви благодарам и жал ми е. Ова беше тежок ден за сите, напиша Ноле.