Благодарение на сопственикот на тимот на Кливленд, Ден Гилберт, кој реши да создава шампионски тим, Кавси следните неколку дена ќе бидат дел од буквално сите шпекулации за можните трејд-дилови.
Кливленд игра одлично сезонава, а со оглед на фактот што приходите на тимот се рекордни тогаш нема причина дел од средствата да не бидат потрошени за потпис на квалитетни засилувања. Според последните информации, Кливленд на ол-старот во Далас беше претставуван само од еден играч (Леброн Џејмс), но и од речиси целата управа на тимот на чело со генералниот менаџер Дени Фери. Па така причината за ова наводно бил евентуалниот ангажман на Ентоан Џејмисон, моментно членот на Вашингтон, кој се чувствува осамен по заминувањњето на Карон Батлер и Брендон Хејвуд од престолнината. Како втора опција се споменува Триј Марфи од Индијана.
Како финално решение се споменува и ол-старот Амере Стадемаер, кој веќе подолг период се поврзува со доста екипи. Оваа опција се споменува како најреална, а поедини медиуми говорат дека дилот е речиси финализиран. Како дел од овој "трејд" во Феникс би заминал Жидрунас Илгаускас, кој, пак, веднаш би бил исплатен и би бил вратен во Кливленд. Неговиот договор, кој е пред истек, тоа му го дозволува. Феникс на тој начин би се ослободил од големиот договор на Стадемаер и би имал доста простор во селари-капот.