Македонскиот ракометен шампион Вардар, ќе биде без Стојанче Стоилов во составот на двата четврт-финални натпревари против Флензбург.
Стоилов се повреди на натпреварот против Хамбург на гостински терен и времето кое треба да го помине во рехабилитација изнесува 4 недели, потврдија од клубот. Тоа значи дека Стоилов нема да биде во можност да насѕапи на двата натпревари против Флензбург (дома и на гости).
По мирување од четири недели, Стоилов повторно ќе оди на преглед, за да се утврди состојбата на неговото колено.
И покрај тоа што нема да биде во можност да настапи на дуелите против Флензбург, Стоилов е оптимистички расположен за двомечот со германскиот тим.
“Посакував ваков исход од ждрепката, а тоа најмногу го посакуваше и целата екипа на Вардар. Од тоа што досега го прикажаа нашите потенцијални противници, мислам дека Флензбург најмногу ни одговара. Иако станува збор за германски тим, се надевам дека ќе одиграме квалитетно како и на мечот со Хамбург и ќе се пласираме на фајнал-фор” – изјави Стоилов.