Историјата на Skoda во создавање RS верзии на нивните мејнстрим модели ќе се прошири и на идните електрични модели.
Првиот комплетно електричен автомобил на оваа компанија ќе биде продукциската верзија на Vision E концептот претставен на 2017 Frankfurt Motor Show, а во продажба треба да се појави на крајот на 2020-та. Ќе биде базиран на MEB платформата на VW Group за електрични автомобили, врз која ќе бидат изградени и I.D. моделите на VW.
Одговорен од Skoda за маркетинг и продажби потврдил дека ќе постои и електрична верзија на vRS – наречена eRS, и дека ваквите модели ќе бидат нудени само со една батерија, што значи дека ќе се фокусираат на козметички подобрувања отколку на зголемени перформанси. Неименуваниот продукциски електричен автомобил се очекува да личи на Vision E концептот, но нема и да е идентичен.
Потврдено е и дека дометот ќе му биде над 480km. и дека почетната цена на овој модел ќе се движи околу 34 000 евра. Инаку, се работи и на vRS верзија на идната Fabia која треба да се појави на пазарот во 2021-ва.