Martin Rapid E е првиот комплетно електричен автомобил на овој бренд, а се работи за преработена верзија на веќе постоечкиот бензински модел која ќе биде произведена во само 155 примероци.
Наместо конвенционалниот 6.0 литарски V12 мотор, овој модел има батериски пакет од 65kWh , погон со два електрични мотори на задната оска со вкупна моќност од 610 коњски сили, 950nm вртежен момент, забрзување од 0-100км/ч. за помалку од 4 секунди, и максимална брзина од 250км/ч.
Стајлингот на оваа комплетно електрична инкарнација е редизајниран, а промените вклучуваат нова предна решетка, преден сплитер, заден дифузер и аеродинамички ефикасни алуминиумски бандажи.
Внатре, Rapide E има нова 10-инчна дигитална инструмент табла наместо аналогни брзиномери, а насекаде во кабината има елементи од јаглеродни влакна со цел да се намали тежината на автомобилот.
Официјалната цена сè уште не е објавена, но се очекува таа да изнесува околу 289 000 евра.