Aston Martin го претставија новиот Vantage AMR со мануелен 7-брзински менувач, кој ќе биде лимитиран на само 200 примероци.
Системот за менување на брзини е наречен AMSHIFT и покрај другото, му овозможува на возачот да менува брзини без да ја тргне ногата од педалата за гас.
Во споредба со вообичаениот ZF 8-брзински автоматски менувач кој се вградува во Vantage, мануелниот е полесен за 95kg.
Моторот е истиот од веќе постоечкиот Vantage – 4.0 литарски twin-turbo V8 со моќност од 510 коњски сили и 625Nm вртежен момент, забрзување од 0-100км/ч. за 4 секунди (три десетинки побавно отколку регуларниот модел), додека максималната брзина од 314км/ч. е исто така идентична со него.
Vantage AMR ќе биде понуден во 5 дизајнерски спецификации. Од 200-те модели, 59 ќе бидат наречени Vantage 59, во чест на победничкиот модел DBR1 во Ла Манш 1959 и ќе има препознатлива „Sterling Green” зелена боја со тркачка трака, калипери на сопирачките, заден дифузер и просторот околу предната решетка во дречливо зелена боја. Купувачите на останатите 141 AMR модели ќе можат да бираат син, бел, црн или сив финиш на екстериерот.
Цените на новиот Aston Martin Vantage AMR ќе започнат од 174 600 евра и 192 000 за моделот “59“, а првите испораки се очекуваат при крајот на 2019.
