SEAT ќе додава уште модели во нивниот под-бренд Cupra во 2020 со лансирањето на Formentor SUV купе моделот кој таа година треба да се појави на пазарот, по кој ќе следат регуларни SEAT верзии со помалку моќен погон.
Cupra Formentor е купе верзија на Cupra Ateca, но има и некои стилски елементи од новиот SEAT Tarraco.
Разликите помеѓу Tarraco и Ateca вклучуваат поагресивен дизајн на предниот браник, понагласени сводови над тркалата, поголем заден спојлер и др., додека регистарската табличка е поместена на задниот браник наместо на вратата.
Задните фарови кои се протегаат од крај до крај на автомобилот се превземени од SEAT Tarraco, а идентични со тој модел се и дизајнот на предните фарови и предната решетка.
Внатре, Cupra Formentor има дигитална инструмент табла и 10-инчен панорамски infotainment систем со сателитска навигација.
Formentor е напојуван од plug-in хибриден погон со моќност од 245 коњски сили, чии спецификации уште не се објавени, но се очекуваат тоа да биде истата комбинација која Skoda ја имаа претставено во нивниот Vision RS концепт на Paris Motor Show минатиот октомври.
Formentor ќе има домет од 50km. само со електричниот погон.