Renault ја лансираа подновената верзија на нивниот Koleos SUV, со фејслифт кој вклучува подобрен стајлинг на екстериерот, променет ентериер со подобрен infotainment систем и 2 нови мотори. Во продажба треба да се појави во октомври, а цените ќе бидат објавени во јули.
Стилските промени не се преголеми и вклучуваат поширока предна решетка, ревидиран заден браник со поголем дифузер, LED фарови како дел од стандардната опрема. Купувачите ќе имаат избор и од двобоен дизајн на алуминиумските бандажи и нова „Vintage Red” металик црвена боја.
Ентериерот има променет тапацир, а задната клупа сега како дел од стандардната опрема ја има функцијата за наведнување во 2 фази. 7 и 8.7 инчните екрани на infotainment системот имаат софтверски апдејт и нудат поддршка за приказ на Apple CarPlay на целиот екран.
Новите дизел мотори се 1.8 литарски 4-цилиндричен турбо од 150 коњски сили, 340Nm вртежен модел, CVT менувач, погон на предните тркала и СО2 емисии од 143g/km, како и 2.0 литарски 4-цилиндричен турбо од 190 коњски сили, 380Nm вртежен момент, погон на сите тркала и СО2 емисии од 150g/km.
Стандардниот пакет сигурносни системи на подновениот Koleos ќе вклучува адаптивна контрола на крстарење, контрола на климата во 2 зони, влез без клучеви, амбиентално осветлување на ентериерот, автоматско паркирање и задна камера. Купувачите ќе можат да изберат Iconic или GT Line спецификации.