Michelin во соработка со General Motors креираше нов визионерски концепт за автомобилска гума на иднината. Наречена Michelin Uptis прототип, оваа гума е отпорна на дупчење и не е полна со воздух.
Со заедничките испитувања, овие два гиганти од автомобилската индустрија се надеваат дека прототипот ќе го усовршат за масовна употреба на патничките возила до 2024.
Michelin Uptis (уникатен систем на гуми отпорни на дупчење) е решение за патничките возила кое го елиминира ризикот од издувување и експлодирање на гуми како резултат од оштетувања на патот.
Нејзината безвоздушна технологија ја минимизира потребата од регуларно одржување како проверка на притисок и инспекција за оштетувања.
Материјалот од кои што се изработени Uptis би го намалил бројот на гумите кои пред време се оштетени и завршуваат на отпад (околу 200 милиони годишно, низ цел свет), со тоа намалувајќи ја потребата од материјали и енергија која се користи за производството на гуми.
Uptis веќе се тестираат на Chevrolet Bolt моделите, а подоцна оваа година ќе се прават тестирања и со 5 електрични автомобили.