Porsche 718 Spyder е по „хардкор“ верзија на популарниот Boxster, кој како и претходните Spyder модели има кров кој може да се отстрани и складира во задниот дел, наместо таков кој што се превиткува.
Новиот Spyder има 4.0 литарски, 6-цилиндричен мотор со моќност од 420 коњски сили, 40 повеќе од претходниот Spyder модел. Вртежниот момент е 420Nm, а на располагање ќе биде само еден менувач и тоа 6-брзински мануелен.
Од Porsche тврдат дека новиот 718 Spyder забрзува од 0-100км/ч. за 4.4 секунди, додека максималната брзина му е незначително пониска од онаа на Cayman GT4 и изнесува нешто над 300км/ч.
718 Spyder е спуштен за 30mm поблиску до патот во споредба со конвенционалниот Boxster, има алуминиумски моноблок сопирачки (со опција за композитни керамички), а задниот спојлер автоматски се извлекува при брзини од над 120км/ч. Цената на овој модел е 82 400 евра.