Новиот Alpine A110S, ривалот на Porsche 718 Cayman ќе пристигне наскоро во салоните, по цени од 60 450 евра, а ќе има подобрен 1.8 литарски мотор, подобрувања на шасијата како и побрзо забрзување од 0-100км/ч. од сегашниот модел, кое ќе изнесува 4.3 секунди (во споредба со сегашните 4.4).
Моќноста ќе му биде зголемена за 40 коњски сили и ќе изнесува 290 коњски сили, а ќе има 320Nm вртежен момент, максимална брзина од 260км/ч, потрошувачка од 18.2км/л. и CO2 емисии од 146г/км.
Подобрена ќе биде суспензијата и контролата на стабилноста со амортизери кои ќе бидат 4мм пониско поставени и 50% поцврсти, а секој A110S модел ќе има Brembo сопирачки.
Стандардната опрема ќе вклучува Focal музички систем и сензори за паркирање, како и телеметричкиот систем на Alpine.
Опционалните надградби ќе вклучуваат сјаен кровен панел од јаглеродни влакна (кој ја намалува тежината на возилото за 1.6кг.), зајакнати алуминиумски бандажи, специјални сигурносни појаси со финиш од јаглеродни влакна и сл.