Scania - водечки светски провајдер на решенија за транспорт, вклучувајќи камиони и автобуси – го претставија Scania AXL, концепт на целосно автономен камион без кабина.
Според Хенрик Хенриксон, претседателот и извршниот директор на компанијата, со AXL тие прават значаен чекор напред кон паметните транспортни системи на иднината, каде автономните возила ќе имаат природна улога.
Рудниците и големите затворени градилишта се примери на опкружување каде автономните возила би биле од исклучителна корист, бидејќи се работи за многу добро контролирани локации.
Во рудниците, на пример, автономните операции се извршуваат од логистички систем кој на возилото му кажува како треба да дејствува.
Scania AXL нема кабина, а робустните и моќни карактеристики се идеални за посуровите опкружувања како рудниците и градилиштата. Новиот интелигентен преден модул ја заменува традиционалната кабина, но дури и без неа концептот е лесно препознатлив дека припаѓа на Scania.