2020 Porsche Macan GTS е верзија на овој SUV на Porsche која е фокусирана на перформанси, се наоѓа помеѓу Macan S и Turbo, а веќе може да се нарача по почетна цена од 69 300 евра.
Macan GTS е напојуван од помалку потентна верзија на Turbo погонот – 2.9 литарски V6 мотор со моќност од 380 коњски сили, 520Nm вртежен момент, забрзување од 0-10км/ч. за 4.9 секунди, и максимална брзина од 260км/ч. Официјално, Macan GTS има потрошувачка од 10.6км/л., и СО2 емисии од 218г/км.
Како стандарден дел од опремата GTS има адаптивни амортизери, и е за 15мм. поблиску до земјата од Macan S. Опционално, купувачите можат да доплатат за воздушна суспензија која возилото го спушта за уште 10мм. На располагање се 3 опции на дискови за сопирачките – стандардни челични од 360мм. за предните и 330мм. за задните тркала, како и премачкани со тунгстен карбид (390мм/356мм) и јаглеродно-керамички (396мм/370мм).
Внатре, централните панели на седиштата како и наслоните за рацете се од Алкантара, додека низ кабината има акценти од четкан алуминиум.