Јапонската компанија „Mitsubishi motors” реши да ја замрзне испораката на своите модели за европскиот пазар. Продажбата и услугите, сепак, ќе продолжат, како што вели објава на нивната официјална интернет-страница.
Компанијата има загуби во второто тримесечје на 2020 година (1 април – 30 јуни), во вредност од 176 милијарди јени (околу 1,6 милијарди долари). Според познавачите, тоа се должи на намалените продажби поради коронавирусот.
Претходно „Mitsubishi motors” ја објави одлуката за затворање на својата компанија-ќерка „ Pajero manufacturing” во префектурата Гифу. Запирањето на погонот, што на пазарот нуди 63.000 автомобили годишно, е планирано за првата половина на 2021 година.
„Mitsubish“ во 2016 година стана дел од когломератот „Nissan renault”, со цел да ги зголеми продажбите на светскиот пазар, што сепак, не се случи. Сега овој бренд планира нов среднорочен план за развој, кој предвидува скратување на производствените расходи за 935 милиони долари.