Пробајте поразлични и повкусни ќофтиња од тиквички

Тиквите се еден од најчестиот зеленчук кој го консумираме во летниот период. Ако сакате да испробате еден вид на поразлични ќофтиња од тиквички, тогаш ние ви претставуваме рецепт со фета сирење кое ќе даде особено вкусна нота.

Потребни состојки:

• 500гр тиквички
• 1 мала лажица сол
• 200гр моркови
• 1 лук
• 1 голема лажица копер
• 4 големи лажици магданос
• 100гр фета сирење
• 140гр брашно
• 1 јајце
• 200гр кисело млеко
• Бибер
• Масло за јадење

Начин на подготовка:

Излупете ги и изрендајте ги тиквичките, посолете ги и оставете да се исцедат. Потоа изрендајте ги морковите и ставете ги во некој сад, во кој ќе ги додадете и ситно исечканиот лук и фета сирењето. По 20 минути, исцедете ги тиквичките и додајте ги во садот. Ставете го јајцето, брашното, магданосот и половина исечкан копар, бибер, сол и ако сакате додадете чили. Измешајте го рачно тестото и направете мали плескавици од истите. Пржете ги во врело масло по 2-3 минути секоја страна. Од киселото млеко, солта, биберот и останатиот копер направете сос.

Пријатно мезење!