Лесно, вкусно, практично....
Потребни состојки:
- 1 смрзнато лиснато тесто
- 2 јаболка
- сок од половина лимон
- брашно за да растегне лиснатото тесто
- 3 лажици мед
- цимет (по желба)
- шеќер во прав за декорација
Начин на подготовка:
Подгответе сад со вода и сок од половина лимон. Јаболката исечете ги на половина, извадете ги семките и краевите и сечете ги на многу тенки парчиња. Потоа варете ги во претходно споменатата течност додека убаво не омекнат.
Размесете го лиснатото тесто врз набрашнета површина. Користејќи сукало растегнете ја кората. Пресечете 6 ленти. Должината да биде 5см х 22 см. Во мал сад ставете го медот и две лажици вода, промешајте и со оваа смеса премачкајте го тестото. Наредете ги прачињата јаболка на врвот од тестото едно до друго. Ставете малку цимет. Свиткајте го долниот дел од тестото да се гледаат јаболката на горниот дел, но сепак тестото да биде преполовено. Полека виткајте ја кората и ставете ја розата од тесто во премачкан калап за мафини. Печете на 160 степени околу 40-45 минути. Кога ќе бидат готови, украсете ги со шеќер во прав,
Повеќе рецепти од кујната на Давор пронајдете на неговата FB страна, Dave’s Kitchen.