Откако помина новогодишната прослава, полека се подготвуваме за бадниковата и божиќната трпеза. Ако првата е посна и претежно вниманието ни е насочено кон бадниковото лепче со паричка, тогаш втората трпеза е онаа на која има од се по нешто.
Овој пат се решивме да ви претставиме нешто вкусно и благо.
Потребни состјки:
За кората
- 5 белки
- 120 гр шеќер
- 150 гр печени мелени лешници или ореви
- 15 гр (1 лажица) какао
За прв фил:
- 1/2 л млеко
- 150 гр шеќер + 3 кесички ванилин шеќер
- 10 жолчки
- 3 лажици брашно
За втор фил
- 5 жолчки
- 3 јајца
- 250 гр шеќер во прав
- 100 гр чоколадо
- 250 гр путер на собна температура
Подготовка:
Испечете пандишпани од по 5 белки, 120 грама шеќер, една лажица какао и 150 грама ореви. Оладете и филувајте ги сите три кори.
ПРВ ФИЛ: Изматете 10 жолчки со 150 грама шеќер, 3 лажици брашно, две кесички ванилин шеќер, сварете во 1/2 литар млеко и оладете.
ВТОР ФИЛ: Изматете 3 цели јајца со пет жолчки и тоа варете го на пареа . Додадете 3 ребра растопена чоколада и варете додека не згусне.Посебно изматете 250 грама путер со 250 грама шеќер во прав и соединете со вториот фил. Филувајте наизменично, прво со жолт, потоа со темен. И горниот слој, прво со жолт, а потоа со темен.
Пријатен апетит!