Домашни вкусни карамели

Ви преставуваме рецепт поради кој ќе го обожавате вкусот на овие слатки, домашни, карамел коцки.

Потребни состојки:

• 250 гр. кафеав шеќер
• 330 гр. бел шеќер
• 220 гр. путер
• 200 мл. пченкарен сируп, мед или шербет во размер шеќер – вода 2:1
• 250 гр. слатка павлака
• 130 мл. полномасно млеко
• 2 лажички екстракт од ванила

Подготовка:

Кафеавиот и белиот шеќер ставете ги во сад и додадете го путерот, 200 мл. пченкарен сируп (медот или шербетот), слатката павлака, млекото и ванилата и не заборавајте додека готвите повремено да мешате. Дали е доволно варено ќе пробате така што ќе ставите мала количина од сирупот во ладна вода. Ако се формира крута топка значи е готово.

Разлијте ја смесата во плех, оставете да се излади и со остар нож исечете на големина која вам ви одговара.

Овие карамел коцки можете да ги комбинирате со сладолед и овошје, но и да ги јадете без никаков додаток.

Пријатен апетит.