Ново истражување открило дека висока концентрација на витаминот Д во крвта е поврзан со подобрен кардиореспираторен фитнес.
Во студијата направена од истражувачи од универзитет во Вирџинија, биле собрани податоци од крвниот серум на 1995 партиципанти на возраст од 20 до 49 години, кои биле поделени според нивото на витамин Д во крвта.
На нив им била измерена способноста на срцето и белите дробови да овозможат доток на кислород во мускулите за време на вежбањето, чија единица мерка е максимална потрошувачка на кислород, наведена како VO2 max.
Резултатите покажале дека оние од групата со највисоко ниво на витамин Д во крвта имале за 4.3 пати подобар кардиореспираторен фитнес отколку оние од групата со најниско, поточно подобар капацитет за вежбање.
Поврзаноста била задржана дури и откако во предвид биле земени останати потенцијални фактори како староста, полот, расата, индексот на телесната маса, пушењето, хипертензијата и дијабетесот.
Поврзаноста била силна низ сите тестирани групи, што сугерира дека одржување на адекватно ниво на витаминот Д е особено важно, особено во студените и облачни места каде луѓето не се премногу експонирани на сончева светлина.
Мора да се напомене дека токсичноста со овој витамин може да доведе до вишок калциум во крвта што предизвикува лошење, повраќање и слабост на организмот, па мора да се внимава на препорачаните дози доколку витаминот се зема во форма на суплемент.