Вежбањето без разлика дали го правите на машини или со слободни тежини е исклучително корисно за здравјето. Сепак и двата начина си имаат свои добри и лоши страни. Еве кои се предностите на вежбањето со слободни тежини:
1) Ја подобрува стабилизацијата и мускулната активација
Една студија ја споредила електричната активност генерирана од разните мускули (на градите, бицепсот и трицепсот) при правење на „бенч прес“ вежбата (кревање на тежини на рамна клупа) со тегови и со шипка. Било заклучено дека активноста во градите и трицепсот била слична, но дека активноста на бицепсот била значително поголема при вежбањето со тегови. Причината за тоа била стабилизацијата потребна правилно да се изведе вежбата.
2) Ја идентификува и елиминира неурамнотеженоста на силата
Теговите ги приморуваат екстремитетите да работат унилатерално, па така доколку едната страна е значително послаба од другата, тоа веднаш ќе се покаже.
3) Подобра безбедност (особено ако тренирате сами)
Кога вежбате со тежини на шипка и имате потешкотии со кревањето, може да се случи шипката да падне врз вас и да ве повреди, додека доколку тоа се случи со тегови доволно е само да ги фрлите на земја.
4) Зголемен опсег на движење
Еден од најефективните начини да се оптеретат мускулите за нивно зајакнување е да се зголеми опсегот на движење. Слободните тежини го овозможуваат тоа бидејќи со нив може да правите разни варијации на движењата, што не е случај како кога вежбате на машини.