Дебелиот стомак, т.е висцералните масти (оние што се складираат во внатрешноста на организмот,околу органите) се поврзани со зголемеа инфламација и здравствени проблеми како што е тип 2 дијабетесот.
Едно неодамнешно истражување покажа дека истите го зголемуваат ризикот од срцеви заболувања. Ваквите масти се особено опасни за жените.
Истражувачи следеле повеќе од 500 000 партиципанти на возраст од 40-69 години и откриле дека појавата на срцев удар била асоцирана со висок индекс на телесната маса (BMI), како и со обемот на половината, соодносот помеѓу половината и колковите и половината и висината.
Колку поголем бил соодносот помеѓу обемот на половината и колковите, толку бил поголем ризикот од срцев удар кај жените. Кај мажите тој ризик започнува од половина со обем од 101.6cm., додека кај жените од 88.9cm.
Преумерната телесна тежина е фактор на ризик за срцеви заболувања, но дури и оние со нормален BMI се под ризик доколку имаат вишок висцерални масти.
Мастите во абдоминалниот дел се поврзани со зголемен ризик од висок крвен шеќер, воспаленија, покачени триглицериди и пониско ниво на „добриот“ HDL холестерол. Така, кај двајца со ист BMI, оној кој има повеќе масти во абдоменот има поголем ризик од срцево заболување.
Губењето на тежината може да помогне да се избегнат срцевите заболувања и да се подобри нивото на глукоза во крвта, крвниот притисок и нивото на холестерол, а тоа треба да се постигне со здрава исхрана и вежбање.