Според нова студија, консумирањето на повеќе од препорачана доза витамин Д може всушност да ја намали густината на коските – што значи дека не се препорачува консумирање на повеќе од 600 IU (меѓународни единици) витамин Д дневно.
Познато е дека витаминот Д е есенцијален за градење на силни здрави коски, но само до одредена количина.
Во новата студија, 303 луѓе на возраст помеѓу 55 и 70 години консумирале 400, 4000, или 10 000 IU витамин Д во форма на суплемент, еднаш дневно во период од 3 години. На секои 6, 12, 24 и 36 месеци била мерена силината и густината на коските на нивните зглобови, како и нивото на витамин Д и калциум.
Во текот на тие 3 години, минералната густина на коските (BMD) се намалила за 1.4% во групата која консумирала 400 IU дневно, 2.6% кај оние кои консумирале 4000 IU дневно и 3.6% кај оние со 10 000 IU дневно. Мора да се напомене дека намалување на BMD се случува и при стареењето.
Причината за ова најверојатно е поради фактот што големите дози на витамин Д се поврзани со зголемување на крвниот маркер за кршливоста на коските и сузбивање на паратироидниот хормон (PHT).
PHT го одржува крвниот калциум на нормално ниво и стимулира нормално одржување на коските – што е отстранување на старата коска и стимулирање на формирање на нова. Комбинацијата на зголемена кршливост на коските и помалата PHT стимулација доведува до ослабување на коските.