Иако вежбањето може да помогне за зајакнување на имунолошкиот систем, не секогаш е препорачливо доколку веќе сте болни.
Експертите се сложуваат дека е безбедно да се вежба доколку имате некои од следниве симптоми:
- Притисок во синусите
- Кивање
- Затнат нос или нос кој тече
- Воспалено грло
- Болка во ушите
Вежбањето треба да се избегнува во случај на:
- Треска
- Болку во мускулите
- Отежнато дишење, кашлање, затегнатост во градите
- Повраќање
- Дијареа
Во суштина, доколку симптомите се „над вратот“, типично е во ред да се вежба, а во спротивно е пожелно да одмарате.
Доколку се решите да вежбате, може да ја задржите регуларната рутина, но со намален интензитет – на пример, пешачење наместо трчање, јога или истегнувања наместо тежински тренинг и сл. Намалувањето на интензитетот го олеснува дишењето и помалку го оптеретува имунолошкиот систем, а доколку забележите дека физичкиот напор ви ги влошува наместо да ги подобрува симптомите, потребно е да прекинете со него.
Бидејќи бактериите лесно се шират во теретана, се препорачува вежбање по дома или на отворено, а доколку отидете во теретана, бидете внимателни кон другите. Измијте ги рацете пред да имате контакт со опремата, а по нејзиното користење избришете ја, по можност со средство за дезинфекција на рацете, за да го намалите ширењето на бактерии.