Тресењето на мускулите за време на вежбањето е сосема нормално и не е нешто за кое треба премногу да се грижите, освен доколку истото не продолжи и надвор од теретаната, кога не се вежба.
Еве што ги предизвикува овие контракции додека вежбате.
1) Замор
Една од најчестите причини за тресењето на мускули е заморот. Секој пат кога тие контрахираат, нервниот систем испраќа хемиски пораки до целниот мускул (или мускули) преку нервните клетки познати како моторни неврони, кои им даваат „команди“ на мускулните клетки.
Но, сите мускулни влакна во еден мускул или мускулна група не контрахираат истовремено, туку се активираат посебно. Така, телото сигнализира да се активира одреден број на влакна, а колку подолго останувате во иста позиција, влакната кои биле иницијално активирани имаат потреба да се релаксираат и да се активираат други влакна – што го предизвикува тресењето. Кога тоа ќе се случи, потребно е да го намалите интензитетот на вежбање.
2) Дехидрација
Дехидрацијата негативно влијае на вежбачките перформанси на многу начини. Губење на 1-2% од телесната маса преку пот може да го редуцира капацитетот на вежбање, бидејќи дехидрацијата го забавува крвотокот, кој е одговорен за транспортирање на клучните нутритиенти (како електролитите) во мускулите. Кога мускулите не добиваат адекватна количина на крв или нутритиенти, не можат да работат ефикасно и се тресат.
3) Нови вежби
Мускулите можат да се тресат кога учат нови движења, па така, кога некои вежби ги правите за прв пат, тие може да се тресат и да не сте доволно координирани. Но, како тие движења се вежбаат и повторуваат, телото станува поефикасно во испраќање и примање на сигнали до и од активираните мускули, па нивното тресење престанува.