Јадењето сирење непосредно пред спиење може да ви донесе попријатни соништа, но тоа нема да влијае на квалитетот на вашиот сон - за разлика од расправија со партнерот или гледање во вашиот мобилен телефон.
Ова е само едни од митовите поврзани со спиењето што ги разби лекарот од NHS и телевизиска личност во Велика Британија, Раџ Синг, кој има за цел да промовира поздрав сон.
Други активности кои што треба да се избегнат доколку сакате да имате мирен и здрав сон, се вежбање пред спиење, јадење големи оброци и пиење пијалоци со кофеин.
Иако постои верување дека на секого му е потребен 8 часовен сон, Синг тврди дека бројот на часови варира од 7 до 9, а понекогаш и помалку, во зависност од потребите на самата личност.
-Спиењето е од витално значење за доброто здравје исто како диетата и вежбањето, воедно е и полесно. Сепак, многу луѓе веруваат во популарните митови и се потпираат на домашни рецепти за добар сон, кои честопати не функционираат, вели Синг.
Според неговото истражување нема ништо лошо доколку имате мал оброк пред спиење, но доколку истиот е обилен и тежок, може да влијае врз квалитетот на вашиот сон.
-Електрониката исто така треба да се избегнува најмалку еден час пред спиење бидејќи светлината што ја емитираат уредите може да ги попречи хормоните за сон кои ги произведува нашиот мозок, вели тој. Ако не можете да спиете секогаш е подобро да земете да читате книга, отколку да гледате во вашиот телефон или таблет.